逸 壽司 (Closed)

今日放假一個人出咗嚟尖沙咀行街，突然間好肚餓，上網見到呢間壽司店性價比一流，又好啱一個人前往，於是決定過嚟試吓見到Menu，原來呢間餐廳有Omakase 食，性價比好高，最平只需要$398，下次會同朋友一齊過嚟試吓，今次先叫咗12件自選壽司$ 198，非常抵食仲可以叫一件大拖羅，見到Menu已經心心眼😍當你order完想要嘅壽司，師傅先會喺個雪櫃攞需要嘅食材出嚟，係你面前切所需要的份量，咁樣嘅做法可以確保食材最新鮮，亦都是日本壽司店嘅做法師傅先上咗前菜、芥辣八爪魚🐙、昆布吞拿魚粒、支豆、沙律🥗，前菜非常開胃，芥辣八爪魚好爽口12件壽司分別叫咗吞拿魚腩、吞拿魚、油甘魚、深海池魚、真鯛、魴鮄、火炙左口魚邊、火炙金線鯛、帶子、池魚、赤蝦、蔥吞拿魚腩軍艦✨大拖羅呢個價錢食到咁高質嘅吞拿魚腩，CP值非常之高，大拖羅入口即溶，✨深海池魚都非常值得一試，油脂非常香及爽口✨油甘魚魚香十足，厚切鮮甜✨火炙右口魚邊魚肉甘香，炙燒後油脂感爆發✨ 赤蝦新鮮爽口，超大隻及鮮味總括嚟講，呢間壽司店會經常encore，因為性價比十足，質素比起連鎖店更加高