竹串日本料理 (Closed)

如果喺銅鑼灣行街行到攰攰哋，午餐想搵嘢食，又未有idea嘅話，我推介竹串日本料理。 同男朋友二人行，每人嗌咗一個午餐。我揀咗自己最鍾意食嘅鰻魚飯鰻魚飯放上枱嘅時候，我都呆咗一呆因為真係有一大塊望落已經覺得好juicy，燒得好靚，有一隻前臂咁長嘅鰻魚 男朋友試咗角切魚生飯，魚生飯入面主要包括：海膽、帶子、甜蝦、油甘魚、吞拿魚…… 呢餐飯值98分，要扣嘅一分係吞拿魚比較瘦，係近背脊嘅位置，食落冇乜油份;另外，魚生飯嘅壽司醋不足，雖然有咬口，但係似普通白飯 如果下次過開銅鑼灣，我會再試佢其他午巿套餐 ，同埋試下晚飯係咪都咁正斗