Video
Read full review
2022-06-14
89 views
今日來荃灣食呢間流水蝦放題，除咗即夾即燒流水蝦之外，仲有多款主打海鮮任食，包括，鮑魚，帶子，扇貝，蠔，蜆，東風螺，魷魚同鮮魚。個場好大，除咗海鮮之外，自助區仲有好多嘢食，有各款串燒，有雞肉、牛肉、豬肉、多春魚、腸仔、菠蘿、粟米、BB薯等。飲品有唔少選擇，有烏龍茶、汽水、啤酒，仲有hit爆的ooha 汽水，雪糕同雪條都有好多款式。肚餓都仲可以拎咗啲熟食填下肚先，有麻辣椒鹽蝦，炸蟹鉗，辣酒煮花螺等等。爐的大小會因應人數而不同，有上下2層可以放更多食物同更有效率。第一次嚟職員會指導你點樣燒，上層放海鮮，下層放串燒同其他肉類。皇牌流水蝦流水蝦好生猛游得好快，夾左幾次都夾唔到，後尾終於掌握到竅門，要夾實佢個頭，夾起後用冰水先凍暈佢地再拎去燒。蝦頭非常多膏，好濃好鮮味，蝦肉爽口彈牙，啖啖肉。我最鍾意加椒鹽同辣椒粉落去食，超級惹味。厚厚肉鮑魚鮑魚好厚身，大大隻，隻隻都好新鮮肥美。扇貝大大粒，新鮮即開，肉質鮮嫩juicy，好鮮味好濃郁嘅海水味。三文魚鰭三文魚鰭油香味濃，肉質嫩滑，燒到焦香香脆，加少少粗鹽海水味更突出。黃花魚魚肉好滑好鮮味，厚身多肉又冇咩骨，外皮燒到脆卜卜好香。東風螺都幾大隻，肉質好爽口
個場好大，除咗海鮮之外，自助區仲有好多嘢食，有各款串燒，有雞肉、牛肉、豬肉、多春魚、腸仔、菠蘿、粟米、BB薯等。
飲品有唔少選擇，有烏龍茶、汽水、啤酒，仲有hit爆的ooha 汽水，雪糕同雪條都有好多款式。
肚餓都仲可以拎咗啲熟食填下肚先，有麻辣椒鹽蝦，炸蟹鉗，辣酒煮花螺等等。
爐的大小會因應人數而不同，有上下2層可以放更多食物同更有效率。第一次嚟職員會指導你點樣燒，上層放海鮮，下層放串燒同其他肉類。
皇牌流水蝦流水蝦好生猛游得好快，夾左幾次都夾唔到，後尾終於掌握到竅門，要夾實佢個頭，夾起後用冰水先凍暈佢地再拎去燒。蝦頭非常多膏，好濃好鮮味，蝦肉爽口彈牙，啖啖肉。我最鍾意加椒鹽同辣椒粉落去食，超級惹味。
厚厚肉鮑魚
鮑魚好厚身，大大隻，隻隻都好新鮮肥美。
扇貝
大大粒，新鮮即開，肉質鮮嫩juicy，好鮮味好濃郁嘅海水味。
三文魚鰭
三文魚鰭油香味濃，肉質嫩滑，燒到焦香香脆，加少少粗鹽海水味更突出。
黃花魚
魚肉好滑好鮮味，厚身多肉又冇咩骨，外皮燒到脆卜卜好香。
東風螺
都幾大隻，肉質好爽口，鮮味鮮甜。
椒鹽雞軟骨
最鍾意食雞軟骨因為燒到卜卜脆又有咬口，最佳拍檔梗係椒鹽粉。
食咗咁多肉要食返蔬菜解膩，翠玉瓜燒香後爽脆清甜，燒菠蘿酸甜多汁，清新解膩。
整體食物質素非常高，尤其係海鮮類，全部都新鮮又厚肉，三百幾蚊真係好抵食，回頭率高，而且時間夠晒長，俾大家可以血拼多幾轉，感覺食咗咁多貴價海鮮都回晒本。
Post
