神石燒牛扒炸物專門店 (Closed)

男朋友話入到元朗食餐好嘅，我哋就揀咗神石燒的日本A5 佐賀和牛二人前❣️成個餐包左A5佐賀黑毛和牛，美國極黑豚，美洲頂級厚切牛脷，美國黑安格斯牛膈肌，北海道珍寶帶子同埋日式炸蕃薯條！座位前有調味料可以自行調配。店內近廚房嘅位置，有一個自助區，可以喺嗰度拎到湯，沙律，飯，餐具等。🌟A5佐賀黑毛和牛入口即溶，超驚喜！CP值極高！和牛油花均勻，燒之前用附上的脂肪搽均石面，兩面輕輕燒一燒已經可以食得。一啖一塊，入口多汁有油香但唔會好油膩，食完仲想食！🌟美國黑安格斯牛膈肌都非常出色。不但牛味重，肉嫩多汁！厚的口感一樣出色！🌟美國極黑豚足磅厚身，豬肉本身有輕輕燒過，店員建議我們先把肉切細，再放上鐵板燒，肉會更容易熟透！豬肉入口肉味濃郁，鮮嫩多汁，唔會好韌！另一樣令我驚喜嘅係，蕃薯條都好好食！蕃薯條比一般嘅薯條健康。香脆而又帶少少甜味，愈食愈想食，停唔倒口，送酒一流！❤️😆