七福神和食亭

Open Now

Now Closed

今朝好友介紹去咗位於佐敦嘅餐廳食飯😊望到喺OpenRiced人介紹呢間餐廳好有驚喜，所以即刻book枱慰勞自己！一開始真係要叫個熱賣嘅刺身盛合！入面有齊海膽半板，三文魚，深海池魚，赤身，甘蝦，全部都係我鍾意食嘅海鮮😋，海膽一啲都唔腥，無論係三文魚定深海池魚都好肥美，甘蝦大隻得嚟又鮮甜，對得住佢價錢嘅高級刺身質素🍣另外再叫咗個味噌煮牛筋，呢個真係我食過最出色嘅煮牛筋，味噌嘅味道完全融入左牛筋入面，鹹甜味噌嘅配埋牛肉香味，呢個味道真係令人好難忘😍而且牛筋唔會韌到咬唔開，但又有少少咬口，正呀！