問左個喺觀塘返工嘅老友附近有咩好嘢食，佢介紹咗我嚟呢間冰室嘆下午茶。
入到去見到咁大去黑版畫左幅好靚嘅畫，囡囡一見就話：「媽咪係布甸狗呀！」
下午茶餐點左
【美國費城烤西冷配野菌燒汁+ 凍利賓納】
塊扒嚟到 阿囡好大聲講：「嘩！好大塊牛扒🥩」
塊扒真係好多塊，我一個人肯定食唔晒，
食落雖然好咬好但一啲都唔韌，配埋個野菌汁好好食。
【朱古力蛋白西多士🍞+ 熱朱古力🍫】
呢個西多士係阿囡要求食，西多外脆內軟，加埋朱古力醬， 如果問好唔好食？ 我會答你：有個小朋友食晒成碟，你就知道好唔好味😂😂
【芒果布甸】 x2
咁啱遇到佢有快閃優惠，$8/杯，我即刻叫返兩杯嚟食，聽講呢度啲芒果布甸係佢招牌甜品。
話就話$8杯 其實一啲都唔算，仲有大大粒芒果肉🤤🤤真係正
