Nomad Burger (德民大廈) (Closed)

去咗Kerry Hotel Staycation，緊係要搵下附近有咩正嘢食。咁岩 社交平台就彈左呢間野出嚟，話好多人排隊，有龍蝦漢堡食，即去！係一間小店黎，入面有3個職員整野食同收銀，所以都好忙碌。但今日冇龍蝦漢堡 叫咗兩個漢堡蝦餅漢堡同安格斯漢堡。因為唔太肚餓，所以兩個都係叫左single。安格斯漢堡加咗塊芝士，佢本身叫個飽係得菜絲同塊肉，想食cheese burger就要另加芝士，不過加塊芝士都唔貴，5蚊。我同我老公都比較鍾意安格斯漢堡，因為牛肉好香同好Juicy。塊肉又夠厚滿足感較高。蝦餅漢堡仲比安格斯牛略嫌差小小，塊蝦餅較薄。我本人覺得佢同mxs嘅蝦漢堡差不多。我另加咗牛油果醬，都幾好味，令個飽感覺冇咁油。呢間小店都近黃埔地鐵站，但冇堂食位，如有幸經過，可以買個試吓。