Video
Read full review
2025-05-01
30 views
餐廳：Tamarind (旺角)地址：旺角通菜街1號威達商業大廈地下K&L號舖旺角真喺臥虎藏龍😎，近排冒起嘅 Tamarind 喺一間不容錯過嘅泰國菜新星🇹🇭。呢間餐廳雖然開咗唔夠半年，但已經以「平民價高性價比 」喺區內吸引咗唔少食客，仲晚晚排長龍，加上不時做各種折扣優惠，例如廣華醫院職員午市有9折，睇某齣戲憑戲飛又有9折等，真喺平上加平、抵上加抵🤑餐廳門口低調有格調，行入去會發現成個裝潢充滿泰國特色，仿佛去咗曼谷街頭咁。佢哋主打地道泰式料理，亦有泰籍廚師坐鎮👨🏽🍳，配合開放式廚房設計，除咗滿足味蕾，呢個設計仲拉近咗食物同人之間嘅距離，由視覺到嗅覺都喺沉浸式體驗😏✝️泰式燒牛肉沙律 $138 鮮紅嘅車厘茄、翠綠嘅青瓜🥒，配上燒得啱啱好嘅牛肉，食落每啖都充滿鮮嫩牛肉嘅煙燻香氣，混合埋青瓜同洋蔥嘅爽脆，平衡咗沙律嘅整體口感，再加上泰式經典嘅酸辣調味，唔止開胃，仲有一種揮之不去嘅辛辣回香🌶️✝️泰北燒雞半隻 $88半隻燒雞呢個價錢真喺抵到爛😂，雖然雞皮只喺燒到微焦脆，入面嘅雞肉亦有少少嚡，但加咗泰國經典嘅香料醃製，突出咗雞肉嘅天然鮮味，伴隨住辣醬陣陣辣香，都可以一試嘅🤓✝️飛天炒通菜 $68蒜香濃
地址：旺角通菜街1號威達商業大廈地下K&L號舖
旺角真喺臥虎藏龍😎，近排冒起嘅 Tamarind 喺一間不容錯過嘅泰國菜新星🇹🇭。呢間餐廳雖然開咗唔夠半年，但已經以「平民價高性價比 」喺區內吸引咗唔少食客，仲晚晚排長龍，加上不時做各種折扣優惠，例如廣華醫院職員午市有9折，睇某齣戲憑戲飛又有9折等，真喺平上加平、抵上加抵🤑
餐廳門口低調有格調，行入去會發現成個裝潢充滿泰國特色，仿佛去咗曼谷街頭咁。佢哋主打地道泰式料理，亦有泰籍廚師坐鎮👨🏽🍳，配合開放式廚房設計，除咗滿足味蕾，呢個設計仲拉近咗食物同人之間嘅距離，由視覺到嗅覺都喺沉浸式體驗😏
✝️泰式燒牛肉沙律 $138
鮮紅嘅車厘茄、翠綠嘅青瓜🥒，配上燒得啱啱好嘅牛肉，食落每啖都充滿鮮嫩牛肉嘅煙燻香氣，混合埋青瓜同洋蔥嘅爽脆，
平衡咗沙律嘅整體口感，再加上泰式經典嘅酸辣調味，唔止開胃，仲有一種揮之不去嘅辛辣回香🌶️
✝️泰北燒雞半隻 $88
半隻燒雞呢個價錢真喺抵到爛😂，雖然雞皮只喺燒到微焦脆，
入面嘅雞肉亦有少少嚡，但加咗泰國經典嘅香料醃製，突出咗雞肉嘅天然鮮味，伴隨住辣醬陣陣辣香，都可以一試嘅🤓✝️飛天炒通菜 $68
蒜香濃郁，加上辣椒帶嚟嘅微微辛辣感，啱啱好又唔會搶走通菜嘅爽脆👍，平衡咗濃烈調味同清新菜香嘅特色，濕炒方式令人覺得口感特別飽滿濕潤，每一啖都帶有濃厚惹味嘅泰式風味
✝️曼谷火車炒飯 $88
講到炒飯，呢碟曼谷火車炒飯無論由口感到味道都絕對有驚喜——飯粒較濕潤且略帶鍋氣，
秘製醬油嘅鹹香同雞蛋、牛肉嘅搭配完美🤩，芥蘭同粟米芯嘅加入為炒飯增添咗少少甜美同爽脆層次
飲品叫咗鮮椰青($38)同泰式奶茶($26)，兩款都喺消暑良品，前者既清甜又解膩，啱啱好中和咗之前燒烤同炒菜帶嚟嘅油膩感；
後者奶香同茶香平衡得唔錯，雖然一開波甜咗少少，但飲到最後比碎冰溝淡返啲就啱啱好😆
Post
