尚泰太 (Closed)

周末最鍾意周圍走試新餐廳， 仲未飛得住就去食泰菜啦，食咗就當去旅行囉。餐廳裝飾好有泰國風情，室內吊扇燈及牆上裝飾好有特色。 特別推介特色沙冰飲品，上台時好有驚喜，大大柸好靚呀，仲有飲到底都唔係咁易容冰。✨青咖哩雞飯青咖哩汁惹味香滑， 用離送飯頂呱呱，雞肉口口都係啖啖肉，仲有，飯碟仲好有特色呀。✨ 泰式雞翼湯金邊粉好有驚喜既係牛油雞翼嚟㗎， 一上枱就香噴噴，雞翼脆漿做得好鬆脆，一啲都唔油膩，湯粉味道岩岩好。✨泰式炸蝦餅蝦餅有八件，仲要每件都大大件，份量十足鬆脆可口，我哋都大啖大啖咁食晒啦 ✨飲品菠蘿沙冰及檸檬蜜，講3次▶️必定要飲沙冰，真係好正好消暑。