蚊蚊豬老火鍋

Open Now

Now Closed

蚊蚊豬個名好得意，呢間蚊蚊豬老火鍋位於太子，呢度食四川火鍋。2個鐘放題，先揀個鍋底要萬州烤魚定麻辣雞煲，我地揀左烤魚，再跟一大碟安格斯肥牛。烤魚大大條，嫩滑又入味。碟安格斯肥牛，超高質，同朋友係度讚不絕口。任食部份，仲有刺身食添。另外， 仲有好多配料打邊爐，叫左雞雜、鵝腸、脆魚鯇同兩款菜。雞雜出面真少有，有雞心、雞肝、雞腎。其實仲有好多配料叫，但食哂我地我地叫既野之外已經飽都上心口。今次朋友係帶我黎食好野，如果唔係都好少行黎呢頭試唔到呢間超值火鍋放題。