三公台灣料理 (Closed)

好耐無食過台灣野，就去左旺角最近新開既【三公】試下。環境好舒服，而且星期六都有lunch set。 櫻花蝦椒麻拌麵便當：D餡有滷肉同櫻花蝦都幾香口。麵條爽口，調味不錯，味道唔會太濃、不過都偏辣，溏心蛋不錯，另外配有沙律同餐飲。 青玉冬瓜茶：跟餐+$，冬瓜茶唔會太甜有少少檸檬酸味，另外仲有愛玉。 甘梅地瓜條：炸得好香脆，加左D甘梅粉，酸酸甜甜好開胃 鹽酥鷄：同平時D炸粉唔係好同、新鮮炸起好juicy 鹵水- 豬耳、海帶、水蓮、溏心蛋：水蓮屬於鹵得比較淡既，其他都鹵得好軟好入味。個人推薦海帶。 檸檬愛玉白玉：好refreshing，味道唔會太甜，而且價錢非常合理。