吉列牛忌廉烏冬專門店 (百樂中心) (Closed)

本身係吉列牛嘅愛好者，朋友帶我來呢間餐廳，話呢間餐廳性價比幾高二人餐就包左吉列牛套餐、馳名嘅咖喱忌廉烏冬同埋兩杯嘢飲✨吉列牛套餐吉列牛嘅份量都幾多，而且啲牛係冇咩筋，好容易咬，牛味都重嘅！同埋餐廳好細心咁已經喺嗰個爐上面搽咗啲油，所以吉列牛擺上去唔會黐住底！✨咖喱忌廉烏冬簡直係唔食得辣嘅人嘅福音！少少辣又唔算好辣，加埋晒啲忌廉一齊食好creamy ，有一種幸福嘅感覺！而且烏冬入邊都有啲牛肉！唔使驚冇餸！仲有一個隱藏食法，就係食完成個咖喱忌廉烏冬之後，將剩低嘅咖喱忌廉撈入吉列牛套果一碗飯！咁樣又可以食到咖喱忌廉烏冬，又可以食到咖喱忌廉飯！✨雞軟骨餃子餃子啲皮都好薄，而且餡料好多，啲雞軟骨係已經切碎晒，所以食落口感幾得意！嘢飲就叫咗✨passion punch✨circus ocean ✨rose garden總括嚟講都唔算好甜，覺得circus ocean 有啲似檸檬柚子蜜幾好飲，而且藍色好有新鮮感！