首先湯底已經好多選擇，揀左川芎白芷魚頭湯，一般坊間少見。湯底奶白好香藥材味，有一大隻魚頭，超級滋補養生。
火鍋配料有好多坊間少見的款式，例如本地吊龍肉，安格斯牛小排，安格斯封門柳，鹿兒島黑豚肉，樟果黑毛豬。手切吊龍肉牛味濃郁！🤤樟果豬都好正，食到堅果的香味。
另外牛利心，牛爽肉，黑柏葉都係任食火鍋少有的款式，呢間餐廳真心有誠意👍🏻第一次食牛爽肉，外型好似成舊肥肉🤣但原來吾係脂肪，係肋骨之間的筋膜，爽口的😋
另外自家制的蝦滑，墨魚滑，韮菜餃，鮮蝦雲吞都好好食，特別係蝦的系列，超級足料彈牙！
仲有一系列飲品任飲，罐裝汽水，雪花啤酒，1 jar jar的竹蓆茅根，好清潤👍🏻
總括嚟講，$228任食兩小時真係絕對超值，上菜快，無漏單，食到捧住肚皮走🤣
