上個禮拜同老婆心郁郁想食日本嘢，當係補返下啲鄉愁啦 ✈️。行過尖沙咀，見到呢間新開嘅八焱居酒屋，門口裝修幾有格調，再望下個餐牌，見到個二人餐好似幾抵，就決定入去試下！入到去，裝修幾有心思，用咗好多木系元素，加埋牆上面嘅日式畫作，真係有啲去咗日本小店嘅感覺 🎌。燈光校到暗暗地，但又唔會睇唔到嘢，每張枱都有足夠空間，同隔離枱唔會太逼，坐得幾舒服😌。同老婆傾下偈，飲下嘢，成個氣氛好放鬆自在。
沙津 👍🏻👍🏻👍🏻
中規中矩嘅開胃菜，菜葉夠新鮮爽脆，配上日式芝麻醬，酸酸甜甜，成功喚醒我哋嘅味蕾，準備迎接之後嘅美食。
刺身三拼 👍🏻👍🏻👍🏻👍🏻
有三文魚、吞拿魚同油甘魚。三文魚肥美，油花分佈唔錯；油甘魚入口甘香，魚油豐富；吞拿魚魚味都夠濃。重點係夠厚切，食落啖啖肉，新鮮度亦都令人滿意。
和牛他他 👍🏻👍🏻👍🏻👍🏻
生牛肉剁得夠細膩，撈埋隻日本生雞蛋黃，口感即刻變得好滑溜 😋。牛肉味濃郁得嚟一啲都唔腥，配埋脆卜卜嘅蒜片一齊食，一軟一脆，層次感出晒嚟，呢個配搭幾有諗頭。
金萡黑魚籽鵝肝多士 👍🏻👍🏻👍🏻👍🏻👍🏻
呢個絕對係成晚嘅亮點！😍 鵝肝煎到外層微脆，內裡軟綿，真正做到入口即溶，油脂嘅甘香喺口腔爆發。配埋鹹香嘅黑魚籽同烘到脆一脆嘅多士，一啖擺落口，嗰種豐腴嘅感覺實在太正，上面仲有金箔點綴，賣相都攞滿分！
銀雪魚西京燒 👍🏻👍🏻👍🏻👍🏻
魚皮燒得好香脆，但魚肉依然保持到非常嫩滑多汁，一啲都唔乾。面頭嘅西京燒麵豉醬甜度適中，完全滲入魚肉入面，魚油香氣十足，送酒一流。
串燒三拼 👍🏻👍🏻👍🏻
有雞肉、冬菇同翠玉瓜。燒嘅火喉控制得唔錯，雞肉食落唔會乾柴，冬菇依然多汁。不過味道就相對正正常常，係穩陣嘅選擇，但就冇其他菜式咁有記憶點。
黃金焗蠔 👍🏻👍🏻👍🏻👍🏻
隻蠔幾大隻，上面鋪滿厚厚嘅芝士同醬汁，焗到金黃色，熱辣辣上枱。食落口好creamy，蠔肉都幾新鮮肥美，芝士怪應該會好鍾意🧀。
明太子玉子燒 👍🏻👍🏻👍🏻👍🏻
玉子燒做得好滑溜，蛋味香濃，層層分明。中間夾住鹹香惹味嘅明太子醬，甜甜鹹鹹個配搭好夾，食落好滿足。
稻庭烏冬 👍🏻👍🏻👍🏻
用嚟收尾就最啱。稻庭烏冬出名幼滑，呢度都做到，口感順滑。湯底清甜唔會太鹹，簡簡單單咁做個結尾，清一清成餐飯嘅味蕾，感覺唔錯。
Draftbeer 👍🏻👍🏻👍🏻👍🏻
叫咗杯生啤，夠凍夠氣，泡沬都幾綿密，食串燒同燒魚點可以冇咗佢！🍻 一啖串燒一啖啤酒，爽！
總括嚟講，呢餐飯食得好開心滿足 🥳。以$688呢個試業價食到咁多樣嘢，由刺身、和牛、鵝肝到燒物同主食都齊晒，真係幾划算。大部分菜式嘅水準都唔錯，特別係個鵝肝多士同銀雪魚，表現得好出色。串燒就普通啲，但整體瑕不掩瑜。配埋杯冰凍嘅生啤，同老婆撐下枱腳，真係好寫意。如果想喺尖沙咀搵間環境舒服，食物有返咁上下水準嘅居酒屋，呢間係一個相當唔錯嘅選擇。
