The Dining Room Plus

已經唔係第一次嚟南小館食飯，就算係唔同分店都依然咁好味，真係難得。等咗20分鐘左右就有位，仲咁啱係窗邊位。好啦，咁等我逐一介紹下今晚嘅餸菜：

南國薑蓉雞
原來係冷盤嚟架，賣相麻麻地，雞肉比啲薑蓉遮住晒，但味道出奇地令人驚喜！

南國薑蓉雞

$78

乾扁四季豆
純粹想點返個菜，感覺一般唔算特別。

乾扁四季豆

$58

鮮肉小籠包（5件）
上海菜必食嘅點心，揀咗傳統啲嘅鮮肉口味。的確係皮薄多汁，仲幾欣賞佢用自家製嘅蒸籠上菜。 

鮮肉小籠包

大良炒飯
屬於大廚推介亦好多料，包括蝦仁，豬肉同埋果仁。用咗個小鍋上，仲好好咁保持溫度。

大良炒飯

$68

玩味咕嚕肉
賣相係特別嘅，以菠蘿殼盛載，難怪叫做『玩味咕嚕肉』。

玩味咕嚕肉

$78

桂花蜜拉糕（3件）
花花造型好靚呀，嚥嚥靭靭嘅口感我鍾意，但桂花蜜嘅份量可以多番少少。

桂花蜜拉糕

原本仲點咗個『清燉牛展湯』，好彩佢漏咗單，否則真係食唔晒呀！