我地今次嗌咗極上船麵、海南雞飯和三色芒果糯米飯，但就經歷咗一連串嘅失望。
1
極上船麵$128
落單時侍應話只剩下檬粉，我地覺得ok，但船麵每樣配菜都麻麻地，牛𦟌仲係淋晒，應該煮咗好耐。
海南雞飯$118
雞肉係凍的，仲帶有雪藏嘅味道，感覺不新鮮。而且上菜之後先發現係白飯而唔係油飯，但侍應竟然冇提前通知我地，令整體用餐體驗更加糟糕。
三色芒果糯米飯$72
芒果極酸，而糯米飯則偏硬，食落仲係一粒粒，整體口感不盡如人意。
總括黎講，今次用餐體驗都幾失望，雖然我明白喺呢個商場入面，食物都係咁上下呢個價位，但係我都希望佢哋嘅食物質素可以對得起個價錢。
