Bella Shine (Closed)

餐廳位于觀塘迅達工業大廈2樓，用餐當日為公眾假期，不能于大廈正門進入，需于旁邊的殘舊停車場進入:(，工廈停車場環境確實令我不安:(，惟已訂位不想臨時更改地點。

見前幾篇食評，半自助午餐都係百幾蚊一位，一坐低見餐牌先發覺中伏，完全唔係呢會事，都坐低左就冇辦法:(。

觀塘區200幾蚊一位午餐算貴，所謂自助部份只有一張枱，提供沙律 、凍腸、餐湯、三款小蛋糕，後來發現有凍蝦、凍海螺及凍青口，雪糕需另行付款:(。
我同朋友分別點了蒲燒鰻魚海膽忌廉汁扁意粉及韓式柚子蜜山椒板燒雞扒。

1

半自助午餐餐牌，冇說明90分鐘用餐時間

蒲燒鰻魚海膽忌廉汁扁意粉完全食唔到海膽味，橙色忌廉汁好稀，似湯汁，扁意粉味道較咸，意粉麵質硬，未煮夠軟身就上碟，蒲燒鰻魚正常，配左橙色忌廉汁的鰻魚更咸:(，以女生份量黎睇尚可接受。

咸咸

$208

韓式柚子蜜山椒板燒雞扒賣相不錯，兩塊雞扒算大配紫薯，實在吸睛不少。雞扒烤得剛好，惟冇配汁，好dry ，配菜以紫薯較為特別，紫薯林滑，味道可以，份量尚算足夠。

韓式柚子蜜山椒板燒雞扒

$218

凍蝦及凍青口味道正常，配以茄醬，凍蝦如一般急凍蝦般鮮味較少，口感仍有少許爽口彈牙。凍青口未煮夠熟，有未開口情況。

凍蝦及凍青口味道正常

南瓜湯冇南瓜味，溝水及湯質感較稀，且咸。沙律菜新鮮，汁醬有麻醬、醋及意大利醬三種，我選了麻醬，配沙律不錯。

南瓜湯咸，冇南瓜味及沙律正常

飲品我和朋友點了常温的檸茶及凍檸茶少甜少冰，冇影相，味道同茶餐廳一樣，正常。
服務一般，冇乜客情況下，只幫我地加左一次水，整體味道、體驗與價錢不相配，CP值極低。