和牛燒肉一郎 (新都城中心二期) (Closed)

位於將軍澳新都城中心一間燒肉放題餐廳，餐廳都好闊落，而且每個卡位都係用運輸帶送上食物，乾淨又快捷。放題套餐E $598加一有好多款食物任食，而且有12款黑毛和牛可以選擇。入坐後店員好貼心咁講解餐廳環境，有自助飲品吧同埋沙律吧，好多款飲品選擇。和牛燒肉油脂比例很好，而且牛味香濃。海鮮類別都有好幾款，而且最愛嘅係大大條魷魚，好好食。最特別係餐廳有生牛肉刺身食，入口即溶，味道香濃，口味好獨特。整體黎講，CP值都幾高雖然望落600一個人，但係有勁多和牛食，同埋有好多款其他林林總總嘅食物，好耐未食過放題食到咁開心。