Video
Read full review
2010-02-18
11-2-2010完全遺忘了呢篇食評, 不過難得年近歲晚忙到趴街, 都出到嚟同靚女朋友們食團年飯, 當然要記一記. 之前去過鰂魚涌店覺得拉麵麻麻哋 (http://www.openrice.com/restaurant/commentdetail.htm?commentid=2046703), 今次都唔叫了, 主食 order 了應該較穩陣的「咖喱牛肉撈手打烏冬」... 烏冬質感滑溜煙韌, 帶淡淡麵粉清香, 又不錯喎, 唔知是否當店手打? 咖喱汁就麻麻哋, 味道「磚頭」都算, 點解咁水汪汪的? 牛肉就較柴又較嚡, 還是軟腍清甜的紅蘿蔔及粉粉的薯仔較好食.朋友們則各自食了 (1) 海鮮芝麻醬冷麵, (2) 天婦羅稻亭烏冬 (套餐跟兩件卷物及凍咖啡) 及(3) 北海道牛奶湯炒墨魚汁麵, 據聞 (3)「好有鑊氣」, 不過「麻麻哋好食」咁話... 另叫了兩款小食 share, 不過印象一般而已:- 蒲燒鰻魚: 帶點乾身, 夠熱, 夠甜, 不過鰻魚本身薄薄的, 食落又唔算好香, 還是紅磡的肥美貨色 (http://www.openrice.com/restaurant/commentdet
完全遺忘了呢篇食評, 不過難得年近歲晚忙到趴街, 都出到嚟同靚女朋友們食團年飯, 當然要記一記.
之前去過鰂魚涌店覺得拉麵麻麻哋 (http://www.openrice.com/restaurant/commentdetail.htm?commentid=2046703), 今次都唔叫了, 主食 order 了應該較穩陣的「咖喱牛肉撈手打烏冬」... 烏冬質感滑溜煙韌, 帶淡淡麵粉清香, 又不錯喎, 唔知是否當店手打? 咖喱汁就麻麻哋, 味道「磚頭」都算, 點解咁水汪汪的? 牛肉就較柴又較嚡, 還是軟腍清甜的紅蘿蔔及粉粉的薯仔較好食.
朋友們則各自食了 (1) 海鮮芝麻醬冷麵, (2) 天婦羅稻亭烏冬 (套餐跟兩件卷物及凍咖啡) 及(3) 北海道牛奶湯炒墨魚汁麵, 據聞 (3)「好有鑊氣」, 不過「麻麻哋好食」咁話...
另叫了兩款小食 share, 不過印象一般而已:
- 蒲燒鰻魚: 帶點乾身, 夠熱, 夠甜, 不過鰻魚本身薄薄的, 食落又唔算好香, 還是紅磡的肥美貨色 (http://www.openrice.com/restaurant/commentdetail.htm?commentid=1947790) 好.
- 炸雞軟骨: 得啖笑的一味, 雖然夠脆, 但好油膩, 又好似帶少少油溢味, 真係
仲叫了一球紅豆雪糕做甜品, 不過唔香滑又唔夠紅豆香, 一味甜, 早知唔叫
食物一般, 環境就叫輕鬆 casual, 不過全場得 1-2 個 staff serve 客, 佢哋又唔係成日睬你, 成晚想「求救」都「求」得幾吃力.
連加一每人約 $110 埋單, 唔算好貴, 但嘢食真係麻麻哋, 我覺得唔抵食, 應該可以慳返一餐 lunch quota 了.
Post