CoCo Espresso (Closed)

早於今年4月呢間cafe新開之時已經想去試下，奈何佢太受歡迎，人滿為患，只好趁等食壽司嘅空檔過黎望下。木製餐枱櫈、圓拱形嘅玻璃窗、純白色嘅佈置，一秒咗飛去希臘（個心），又點會覺得自己置身一個商場入面呢？𖦹 慢煮法式油封鴨髀配牛角酥窩夫 $138食正餐定甜品？why not both （同一隻碟xd）？慢煮鴨髀外皮微脆，非常入味；croffle煙韌酥脆，配上太陽蛋同吃。𖦹 芝士牛肉漢堡配薯條 $118牛肉充滿肉汁，切開依然粉嫩，肉味頗為濃郁，加上芝士、蕃茄、洋蔥等配料，以及超多薯條，飽肚。𖦹 肉桂蘋果牛角酥窩夫 $88食完鹹ver croffle食埋甜ver。肉桂蘋果味香甜突出，將溶溶地嘅雲呢拿雪糕連埋一齊食，口感滿分，無得輸。𖦹 espresso tonic $48繼續堅持飲espresso tonic，呢杯嘅咖啡同tonic water比例恰到好處，清新至極而且唔會有飲奶啡嘅飽濟感。𖦹 mixed berries smoothie $52 酸酸甜甜，綿密幼滑，果香滿溢。