舍 (Closed)

今日同靚靚慶祝生日，所以就揀咗嚟又classy又sassy嘅— 舍。.舍，係Gaia 旗下嘅餐廳。唔使講水準有一定保證(但又唔會有驚喜咁囉🤭）。餐廳位於IFC 連卡佛內(靠化妝品嗰度)，裝潢以大自然粉紅色為主題。餐廳還設有戶外座位可飽覽無敵維港景! 唔使講我哋就梗戶外座位啦 🤩!.菜式和飲品選擇繁多嘅關係，我地就叫左兩個set lunch。.坐咗一陣就上四件特式點心。香檳金蝦餃，雖然食落同普通蝦餃冇乜分別，個皮仲比平常厚少少，但賣相實在太吸引。魚子醬黑豚肉燒賣，用料上乘都冇咩可以彈。玫瑰水舍魚餃，味道方面呢個最唔錯，配搭很恰當。粉紅田園雜菜粿，又再次用賣相俘虜我的心。.食完點心，坐喺出面有少少涼風襯托再上姬松茸灌湯餃就份外滋味。呢度用料絕不吝嗇、皮薄、湯甜，可以encore! .最後輪到蒸排骨飯，呢個就冇乜點咁，不過不失。但set lunch 真係能夠滿足到我哋?🤔 點都要叫多幾樣先得! . 椒鹽豆腐，皮薄、外脆內軟、熱騰騰。酸甜排骨，配上新鮮菠蘿、肉質唔錯。最後太極馬拉糕代替生日蛋糕，賣相特别、唔會太甜、鬆軟、味道係原味x芝麻味冇咁冇咁寡。