百樂門宴會廳 (Closed)

之前屋企人食左個蒸魚，78蚊，平日晚餐，好似幾正！所以今日又去，點知撞正就黎節日，啲價錢變晒「節日價」。。。就唯有叫啲難散嗌。。。如果平日食，絕對系更抵食！今次就叫左，雜菜粉絲煲，帶子蒸豆腐，同鮮果咕嚕肉，加一個白飯，茶錢每人十二蚊位。雜菜粉絲煲比想像中多蔬菜款式，每樣都好冧，連西蘭花都好易咬口，有菜心，白菜，粉絲，草菇，冬菇，瑤柱，尤魚鬚仔等等。。。冬菇鮮味彈牙白菜都好冧菜心有少少筋粉絲少少乾身但彈性夠。勝在菜款式多。開頭以為黑松露帶子，點知原來系豆豉😂🤛🏻 不過都好似，豆腐味好清，好衛生既感覺，帶子得少少鮮味，反而個豆豉令帶子更惹味以為豆腐就好Hea，但份量足加清新感。不錯！之後就系咕嚕肉，幾驚會鞋肉，或者肥高多，最後！皮脆肉軟，肥高就有少少，不過系適量，無肥高又唔滑同軟姐，每粒就一個手指公咁上下大，岀面食果啲有啲就系因爲太大粒，裡面啲水就變左條紋肉好鞋。但距肉質彈牙，皮脆肉軟，特別岀面脆，非常好味！。下面附圖。