今次朋友介紹嘅呢間位於八鄉天空之城餐廳The Cottage可以話完全符合曬我呢兩個要求☺️☺️
另外想講係，如果自己揸車入去嘅朋友仔就岩曬啦，車到門口。而且都有唔少車位提供比食客。相信對於想揸車過嚟食野朋友仔一定係方便左好多👍👍另外，呢間係寵物友善餐廳，大家可以帶寵物一齊食嘢🐶😺非常friendly🎉🎉🎉
餐廳主要行大自然森林風格，大量綠色植物佢為主調，加上木系餐桌同埋藤椅配合。睇上去好舒服，有人一種遠離塵囂嘅感覺。鍾意打卡嘅你就啱晒啦
食物方面餐廳主要係以日式同西式為主，今次我哋叫左5樣食物試下
🟢小食-黑安格斯一口牛🐮（$88）
呢個一口牛 廚師煎得好好👍，外脆內軟，一D筋都冇，而且好有嚼勁，牛味十足🤤
🟢前菜-清酒手羽 （$38/隻）
用左清酒醃製果然味道更清香，加上師傅燒工真係冇得頂，雞皮微焦，入邊雞肉岩岩好熟，做到肉汁依然能保留係入邊。正🤌
🟢小食-海膽蟹肉甲羅燒 （$98）
網上見到都多人叫，所以都唔執輸叫左一個試。果然冇失望！海膽加埋🦀️肉真係冇得輸，成個口都係海洋味道
🟢主菜-M9和牛肉眼 8oz ($388）
和牛燒到熟度岩岩好，牛味濃郁，完全冇出血水，而且好貼心切到一片片方便食用
🟢甜品-荔枝玫瑰（$68）
一落枱賣相已經非常吸引，成朵玫瑰花咁。第一啖入口荔枝味好出，但慢慢會滲出玫瑰🌹果種清新味道，兩者味道異常地配合，重點係唔會過甜😋😋
