唔好以為大麻就係吸毒
CBD 係大麻二酚，有放鬆、止痛既功效。
我食完都覺得成個人心情好左，果晚重超好瞓。
---
牛油果薯蘋果羽衣甘藍沙律
羽衣甘藍十分新鮮開胃。
價錢亦都只係$78，咁既份量都好抵下。
---
鐵板青咖喱安吉拉雞卷
青咖喱好香，比較重椰奶味。
雞卷外皮完全唔厚，一咬即開，皮薄餡靚。
雞件經過輕炸處理，食落保持爽脆嘅口感。
雞卷入面有南瓜蓉，平衡返肉味嘅油膩感。
剩低嘅咖喱汁我哋都飲晒，因為真係太香太真材實料。
---
特製白蘭地蝦茄醬扁意粉
蝦夠晒大隻，又新鮮又多汁，總共有三隻咁多。
意粉煮到al dante，十分彈牙。蕃茄味十分之濃厚。
---
手打流心芝士
哇，d 芝士係流心到爆出黎。
邊皮焗到脆一脆。配搭果醬，甜味剛剛好。
---
脆炸焦糖西班牙油炸鬼
焦糖係自家製，口感較杰，十分濃厚。
油炸鬼外脆內軟，外皮鎖住入面既熱力。
入面質感似薯蓉，加上熱力令甜味係口腔爆發出黎。
---
特濃香蕉朱古力奶
以為有香蕉，全杯口感都會似泥漿。
點知呢杯野比例控制得幾好。
香蕉味唔會喧賓奪主，反而係喺特龍嘅朱古力奶入面淡淡地散發出香蕉嘅新鮮果味。
朱古力奶上面有cream，如果減肥可以走cream。
---
蘋果白茶梳打
呢杯野真係勁好飲，唯獨是細杯左D。
蘋果汁唔會太甜，逐層飲同溝埋飲都可以，各有特色。
