散叫先叫三文魚子泡沫生蠔
新鮮生蠔配泡沫同魚子，有金箔鋪在上面，入口滑溜鮮甜，泡沫有少少酸味，作為開胃菜幾好。
跟住前菜
北海道帶子刺身沙律
帶子新鮮彈牙，配沙律菜同醬汁，清新健康，咬落去脆口多汁。
主菜
蒜片辣椒蟹肉扁意粉
意粉煮得剛好，蟹肉鮮嫩，蒜辣味道適中，辣度唔過火，蟹香突出，份量夠食。
另一主菜慢煮西班牙黑毛豬鞍配焦糖蘋果
豬肉質地細嫩，慢煮後入味嫩滑，焦糖蘋果甜酸平衡，配上紫薯食落解膩。
飲品
原味Martini清新，酒勁適中，甜中帶酒香；Bumble Bee係石榴汁加橙汁沒有酒精易飲，配餐合適。
