Blaze Craft (Closed)

呢排大館有好多有趣嘅工作坊，今次玩完就繼續係附近揾食，見到呢間有專賣特色手工啤酒嘅Blaze Craft，餐廳有室外同室內坐位，好啱同朋友輕鬆chill住gathering！Juice Train （$68）老闆一定係超級手工啤愛好者，tap list有成13款來自世界各地嘅特色craft beers，今次我就揀咗來自澳洲嘅Juice Train，入口超fruity 好香，後調回甘，都幾易入口！Padrón Pepper 炸西班牙小青椒（$68）呢度提供多款tapas送酒，呢個價錢嚟講份量都幾多，油炸至變虎皮，表面再灑上少少岩鹽調味，完全唔會辣，味道香濃可口！Paella de Marisco 西班牙海鮮燴飯（$298）賣相好靚，上枱超熱，擠完檸檬汁，先分好大蝦、蜆、青口等海鮮，再嘗一口原味燴飯，飯粒都被鮮濃湯汁包裹，又鮮又回甘，然後就可以將飯同自家製蒜蓉忌廉醬拌匀，入口充滿蒜香更香濃更rich！Happy hours嚟飲啤酒食tapas仲有八折，好抵玩！