小時候 (Closed)

今日去大角咀，路過見到有間環境好chill既餐廳，燈光柔和有格調，牆身放滿各式各樣嘅酒，有唔同款式既紅酒，白酒同埋威士忌，見氣氛唔錯就決定試試佢。一坐低打開Menu已經覺得有好多選擇，咁啱又好肚餓，見到樣樣野都想食，淨係諗食咩都諗左好耐😳炸日本芝士年糕配紫菜食得出係新鮮炸起，外面炸得香脆，年糕夠晒軟熟，入面既芝士係流心既，唯一要挑剔既係份量得兩粒略嫌唔夠喉。😳台灣腸燒到熱辣辣，非常惹味，好夠肉汁。醬燒原條茄子值得一讚既係佢醬燒既醃料味道調得啱啱好，夠濃味但又唔會過鹹，惹味得黎又唔會搶左茄子原有嘅鮮味。帶子三文魚子黑松露忌廉汁意粉呢個意粉真係強烈推薦！！！黑松露忌廉汁好rich好creamy，味道調得好好，意粉汁份量足夠撈晒成碟意粉，質地亦都做得好掛身，每一啖意粉都沾滿醬汁。帶子夠晒大粒，表面輕輕煎過，夠香口。香草燒雞（半隻400克）配薯條燒雞份量真係足半隻，雞皮燒得微微香脆，但入面都仍然夠晒Juicy多肉汁。薯條係蕃薯條同埋傳統薯條mix埋，新鮮炸起又熱又脆，唔錯。