Video
Read full review
2018-10-04
442 views
朋友提議食呢間，話第一多大檯，第二餸菜份量好大，同埋好好食。不過佢就講明好多人幫襯，排隊要排好耐，試過6 點攞完籌8:30pm 先有得食，所以叫定部分人早d 攞籌。在場所見，真係激多人排隊，咁應該真係好好食o既~一坐低，o野都未叫，靚仔侍應即刻送上麵包一大籃，因為已經等位等o左好耐好肚餓，所以覺得特別好食。有麥包同法包兩款，熱辣辣，外脆內軟，仲附上牛油，好正……頭盤叫o左一客墨西哥烤餅($98)，薄餅裡面有住軟軟o既芝心，配上三大球醬，綠色係牛油果、紅色係莎莎醬(食落係蕃茄味)、白色係酸忌廉，三隻醬各有特色。蝦肉天使麵($216) 麵條幼滑，看似有好多蕃茄碎，但係味道o岩o岩好唔會話好酸o既，蝦肉o既蒜香都唔錯，但係同其他o野食相比之下覺得$200 幾蚊一個麵唔係好抵食……乜都有薄餅($178) 個名好eye-catching 所以叫o左，味道唔算好特別，而且比較鹹，我o既食法係搽番頭先墨西哥烤餅d 醬去中和番。呢間餐廳出名係芝士同芝士蛋糕，所以我地留o左肚去盡量試多d！叫o左三舊蛋糕都好大件，$70 幾蚊好抵食同有好大舊cream。鹹焦糖芝士蛋糕($79) 同我之前o係其他地方食過o
一坐低，o野都未叫，靚仔侍應即刻送上麵包一大籃，因為已經等位等o左好耐好肚餓，所以覺得特別好食。有麥包同法包兩款，熱辣辣，外脆內軟，仲附上牛油，好正……頭盤叫o左一客墨西哥烤餅($98)，薄餅裡面有住軟軟o既芝心，配上三大球醬，綠色係牛油果、紅色係莎莎醬(食落係蕃茄味)、白色係酸忌廉，三隻醬各有特色。
墨西哥烤餅 ($98)
64 views
0 likes
0 comments
蝦肉天使麵($216) 麵條幼滑，看似有好多蕃茄碎，但係味道o岩o岩好唔會話好酸o既，蝦肉o既蒜香都唔錯，但係同其他o野食相比之下覺得$200 幾蚊一個麵唔係好抵食……乜都有薄餅($178) 個名好eye-catching 所以叫o左，味道唔算好特別，而且比較鹹，我o既食法係搽番頭先墨西哥烤餅d 醬去中和番。
呢間餐廳出名係芝士同芝士蛋糕，所以我地留o左肚去盡量試多d！叫o左三舊蛋糕都好大件，$70 幾蚊好抵食同有好大舊cream。鹹焦糖芝士蛋糕($79) 同我之前o係其他地方食過o既海鹽焦糖甜品唔同，呢間係多多甜少少鹹，非常好食！無敵紅絲絨芝士蛋糕($79) 係一隻地道美式甜點，其實都係朱古力味，比cheesecake 會軟熟一d，一層一層咁食一次過食到兩隻口味。至於青檸芝士蛋糕($76) 大家都一致同意只係麻麻地，味道比較酸。
芝士蛋糕 ($76-79/件)
24 views
0 likes
0 comments
餐廳正上方仲有港鐵特惠站，食完唔好唔記得去嘟兩嘟呀！柯士甸同尖沙咀走大家都可以齊齊慳番幾蚊~
Post
