我最近去咗Check In Taipei食飯，呢間餐廳係我中學已經mark實想食個陣覺得好貴，但依家物價已經同其他餐廳差唔多價格。呢間餐廳成日都翻新menu，甜品超級創新，一定要試下！我點咗髒髒鹹蛋黃芋泥蛋餅，呢個可以當係甜品！上面灑左鹹蛋黃碎，但係內餡就冇包到，所以其實味道唔係好突出。個人覺得可以再多少少，但係芋泥一定要讚！唔係科技感嘅一pat野，係有芋頭蓉嘅一大塊 feel到加左糖，有糖水味好好食，但芋頭本味都足夠。整體蛋餅存在感唔係好高，可以當甜品食。下次會想試下鹹蛋黃芋泥球！我又點咗沙茶牛小排粉絲煲，係牛肉麵同煲中間揀左後者。沙茶鍋好特別有個漏斗，店員會特別講解每邊3分鐘，煮到一半就要落牛肉。牛肉都幾肥美，不過味道較淡。粉絲煲入面主要都係粉絲，菌子同金菇。個人覺得可以加多小小其他配料，同埋粗小小嘅粉絲會更好食～沙茶湯味都幾濃郁。我又點咗鹽水雞涼皮，聯乘兩姐妹粉皮有限公司嘅雞絲粉皮有炸豌豆同辣椒油跟，可以自由選擇要唔要加埋一齊撈。夏天來返呢碗真係超級解暑！有好多蔬菜特別係綠色嘅水蓮好有咬口，清爽又多汁！麻醬味道濃郁，唔會太結都冇話特別稀。粉皮斷口型極高，同平時食有咬口嘅唔同，都幾好食。最後係鐵觀音法式燉蛋，鐵觀音嘅融入令呢個甜品冇咁漏，焦糖面勁有誠意，份量足鋪滿成個表面，而厚度滿足得來唔會敲唔到。整體口感都好順滑！店內環境都好靚，不過來過兩次都冇book台，所以座位唔算特別靚。下次來會記得！而且店員態度都好好～
The above review is the personal opinion of a user which does not represent OpenRice's point of view.
Like
Dining Method
Dine In
