HABITŪ table (Closed)

話晒黎到Habitu,  當要要叫咖啡飲。用東亞既flyer world飲品有得買一送一。Cafe Rosa（$49）本來小妹以為係咁意加幾片玫瑰上去就叫Cafe Rosa,  gimmick野， 幻覺黎架者， 嚇我唔到既。點知飲落有驚喜，咖啡味混合玫瑰香，加上奶量足，好滑好match。Cafe Caramel（$49 - 信用卡買一送一優惠)呢杯Caramel就略嫌火候過左少少， 面個層焦糖頗硬，幾難扑碎，攪到咖啡無乜甜味。主菜買一送一叫左扇貝蕎麥蛋餅($158)同炸魚薯條($158 - 星期一至三主菜買一送一優惠）。扇貝非常彈牙，個汁同個甜甜地既蛋餅好夾，唔會搶左對方既味道，與其話係蕎麥味，我反而覺得似朱古力味，份量略少，幾好食。千祈唔好睇小炸魚薯條， 要煮得好唔係咁簡單，首先要d油夠新， 其次係要炸得均匀，最後就要魚肉夠厚夠滑，唔係整到好似空氣魚柳咁，層皮仲厚過肉。呢碟真係別出心裁，完全無燶，皮脆肉滑，魚肉貼住晒脆皮，非常香口，份量亦好大，一個人應該食唔晒，最好兩人同行。食咁多好野連加一都係$249咋，係中環真係好難得。