Video
Read full review
2024-01-07
58 views
無諗過唱K嘅地方都會誘使到我寫食評，原因真係啲嘢食太高質，拍得住出去食西餐廳 話說聖誕新年長假我哋，因為之前太忙都冇計劃到飛，咁喺香港都要有返啲儀式感。睇完叱咤之後就不停喺度唱軒公，另一半就提議不如去唱K啦，可以唱飽佢，唔使喺屋企對住支花灑唱 一去到店員好好服務介紹我哋食咩，同埋門口仲有個最紅搶錢機玩遊戲，好似話會有現金jackpot店員介紹我哋食呢個節日二人餐，$568有三個course加特飲，當然已經包埋兩個人唱足兩個鐘。我地好好彩被安排咗係間好有空間感嘅大房，梳化座好舒服連飛鏢機都有當然最正係有個獨立廁所，比以前嘅印象感覺乾淨好多，又唔使成日出房。先嚟兩杯肥仔水，而家呢度嘅台式飲品連芋泥都係自家製，好有誠意 睇到層粉紫色嘅芋泥喺杯底份量都唔少，味道係真實嘅芋頭味唔係syrup。奶茶同抹茶牛乳各有特色，雖然冇得少甜，但係味道都唔會過甜。唱咗陣歌，頭盤同主菜同時上，份量大到嘩咗聲，三四個人都夠食先有超creamy嘅鵝肝多士，煎到有脆邊㗎好甘香。 另外炸芝士春卷夠晒熱，唔會食到成口油，絕對係外脆內軟，個春卷皮夠薄。酸辣海蜇爽口得來夠惹味，份量都唔少。仲有沙嗲雞串，醃得好入味煮食方面有半
一去到店員好好服務介紹我哋食咩，同埋門口仲有個最紅搶錢機玩遊戲，好似話會有現金jackpot
店員介紹我哋食呢個節日二人餐，$568有三個course加特飲，當然已經包埋兩個人唱足兩個鐘。我地好好彩被安排咗係間好有空間感嘅大房，梳化座好舒服
連飛鏢機都有
當然最正係有個獨立廁所，比以前嘅印象感覺乾淨好多，又唔使成日出房。
先嚟兩杯肥仔水，而家呢度嘅台式飲品連芋泥都係自家製，好有誠意 睇到層粉紫色嘅芋泥喺杯底份量都唔少，味道係真實嘅芋頭味唔係syrup。奶茶同抹茶牛乳各有特色，雖然冇得少甜，但係味道都唔會過甜。
厚芋泥奶茶 (左); 抹茶芋泥牛乳 (右)
$58
1 views
0 likes
0 comments
唱咗陣歌，頭盤同主菜同時上，份量大到嘩咗聲，三四個人都夠食
先有超creamy嘅鵝肝多士，煎到有脆邊㗎好甘香。 另外炸芝士春卷夠晒熱，唔會食到成口油，絕對係外脆內軟，個春卷皮夠薄。
酸辣海蜇爽口得來夠惹味，份量都唔少。仲有沙嗲雞串，醃得好入味
煮食方面有半隻燒春雞，皮光肉滑，欣賞佢燒到個皮香脆得來又夠薄，入面肉質仍然嫩滑 個豆角泰式炒飯都幾惹味，仲要係用珍珠米夠晒有咬口。
炸軟殼蟹粉漿一樣唔會太厚，仲有蟹嘅鮮味，加埋三隻爽口大蝦，唔使自己剝殼，唱住K食夠方便。炒意粉有鹹蛋黃加持，質感啱啱好唔會太淋身，令人忍唔住一啖接一啖咁食
仲有三舊吉列炸明太子芝士，爆哂漿非常邪惡
食到勁飽估唔到仲有甜品，係新鮮即叫即整，咁樣雞蛋仔同窩夫先會夠香脆。個粉漿較得幾好，蛋味濃郁，配灑上曲奇碎嘅雲呢拿雪糕同埋香甜士多啤梨，多元化得嚟口感豐富，即使食到好飽都清晒碟
Red Mr不嬲都比同類型嘅唱K地方嘅野食高質，不過另一間以數量取勝嘅對手已不復存在。而疫情後好多野包括消費模式都變咗，而家呢間嘅分店都唔多了，希望唔會演變成淨係我地呢代嘅回憶啦。
Post
