Video
Read full review
2019-05-29
58 views
同朋友好耐冇見，想搵個坐得舒適又傾到計嘅地方，朋友就介紹咗嚟呢度食lunch。成日覺得有view嘅餐廳應該下午黎，更加能夠欣賞到個靚景，呢度地方唔係好大但feel cozy!! 睇下個menu先，可以選擇promotion menu或者a la carte，set應該抵食啲，但散叫可以試到自己心儀嘅菜式，最後都決定咗散叫!先上餐包，分別係南瓜杞子包同埋小麥包，配上蜜糖，而黑色嗰個醬好似標榜有機，店員有提醒味道比較特別，建議試少少先睇下接唔接受到個味道! 因為麵包熱辣辣，自己覺得配蜜糖已經好好食了!! 香煎北海道帶子配粟米蓉 ($148)帶子烹調出色，生熟程度剛剛好，擺盤精緻啱晒鍾意相機食先嘅我!!! 傳統意大利麵 ($188)欣賞佢個意粉煮得Al dente，有黑松露味，配合埋即磨嘅芝士，我哋唔使一陣就分晒嚟食喇!!安格斯西冷扒 ($398)首先會拎個爐出嚟俾你影咗相先，跟住拎返入去慢慢燒，過咗一陣就上碟，呢張相朋友影得好好，好似飲食雜誌封面咁，我地唔需要揀幾成熟，佢會煮到佢認為最好嘅生熟程度拎出嚟，食得出係貴價牛!! 提拉米蘇配咖啡啫喱伴杏仁脆脆 ($68)店員話呢個點火效果夜晚會更
睇下個menu先，可以選擇promotion menu或者a la carte，set應該抵食啲，但散叫可以試到自己心儀嘅菜式，最後都決定咗散叫!
先上餐包，分別係南瓜杞子包同埋小麥包，配上蜜糖，而黑色嗰個醬好似標榜有機，店員有提醒味道比較特別，建議試少少先睇下接唔接受到個味道! 因為麵包熱辣辣，自己覺得配蜜糖已經好好食了!!
香煎北海道帶子配粟米蓉 ($148)
帶子烹調出色，生熟程度剛剛好，擺盤精緻啱晒鍾意相機食先嘅我!!!
傳統意大利麵 ($188)
欣賞佢個意粉煮得Al dente，有黑松露味，配合埋即磨嘅芝士，我哋唔使一陣就分晒嚟食喇!!
安格斯西冷扒 ($398)
首先會拎個爐出嚟俾你影咗相先，跟住拎返入去慢慢燒，過咗一陣就上碟，呢張相朋友影得好好，好似飲食雜誌封面咁，我地唔需要揀幾成熟，佢會煮到佢認為最好嘅生熟程度拎出嚟，食得出係貴價牛!!
提拉米蘇配咖啡啫喱伴杏仁脆脆 ($68)
店員話呢個點火效果夜晚會更加靚，呢個甜品口感好豐富，有濃濃嘅酒味，果然係招牌甜品!!
對於我來講，食物嘅味道當然最重要，亦都好欣賞呢間餐廳係餐具擺盤上花咗唔少心思，人客見到咁靚都食得開心啲!!
不經不覺同朋友都食咗兩個鐘頭有多，感恩可以暫時遠離繁囂欣賞美景和美食!
Post
