氣日本料理 (Closed)

尋晚同朋友一齊去試At Corner 最新推出嘅海鮮火鍋SET！$98蚊一位, 就有鮑魚、大海蝦、生蠔、鮮帶子、蜆同活魚片食！(由於可以單點一份作2人share, 我地就只叫了一份試試!)7:00PM-9:30PM仲做緊Promotion, Asahi生啤任飲添!!! (抵過街邊火鍋店d$5蚊啤酒啦!)一向覺得去日本餐廳食火鍋真係最好, 因為用料點都新鮮啲, 唔係點做sashimi呀?結果亦無令我失望!雖然個set好平, d員工個個態度都好好。上火鍋前先D.I.Y.混醬, 有齊蒜茸、生薑茸、蔥花、辣椒絲，仲有日式醬油同好正宗嘅鮮磨麻醬!絕不馬虎！湯底方面我就揀咗餐廳自家秘製的胡麻豆漿湯！香到不得之了！！另外, 可以自己單點其他火鍋配料, 第一時間點咗必食嘅牛肉($38)同我摯愛--肥烏冬($18)!! 雖然佢唔係和牛, 但係都好好食, 好新鮮!再點了日本豆腐($8), 勁清甜, 同黑豚肉($28)都係必食嘅!仲有一個叫年糕福袋($!8), 用腐皮包住d年糕, 好得意, 煙靱口感一流!!食完, 甜品仲有50%off, 不過太飽, 無叫到, 埋單兩個人都唔洗$300!!大排檔價錢、高級日本