鮨幸 (Closed)

當日銅鑼灣有示威所以到處都好冷清。一上到嚟服務員就好有禮貌打招呼帶我地坐低。呢度嘅環境好好，燈光啱啱好，坐得舒服。難得同好朋友一齊嚟食omakase, 所以hangover緊都要叫番杯酒飲, 叫咗一杯柚子味嘅酒, 唔會太甜飲落好清新！佢哋嘅食物無論係刺身、壽司、熟食，都睇得出師傅好用心去做，樣樣都好好味。尤其海老壽司同安康魚肝米餅真係一試難忘，好想encore! 呢個價錢我覺得係值嘅，因為食到最新鮮嘅食材，仲有師傅嘅細心炮製，同店員嘅熱情招待。聽店員講由六月開張到而家都好冷清，真係希望佢哋會做得住！