Video
Read full review
2015-02-08
6008 views
貨不對辦呢個負評抵你收啦。唔叫海關黎係怕煩唔係charge你唔入。你唔好以為寫天天不同時令海鮮就講得通。話說係facebook見到呢間野既廣告。見份量不少都算抵食。就搵晚叫多三個朋友共四人黎試下。預早留定個海鮮塔。先比大家睇下佢啲廣告。坐低就叫上。滿心期待打開個塔。店員會擺個好似讀書果時考Oral果種timer計13分鐘。係小組討論完畢之後就幫你閂火同打開第一層。叫多左個生牛肉。睇樣都算可以接受。一撈起就發現。牛肉切得勁粗條。仲係八成都係未defrosted 。而梨條亦係極粗切。成條薯條咁。生牛肉醃汁味道係唔錯不能要到食完個海鮮塔溶曬雪先覺。打第一層有蝦同聖子。蝦有手指般粗。食得出新鮮。肉爽味甜。一人有兩隻。聖子人均都有三四隻。同樣新鮮而剛剛熟。但係有泥亦重泥味。事前處理不足一開第二層打左個突。會人口密度會唔會相差得太遠？見到銀色底個位置仲多過見到啲蜆同花甲。同埋全部都係蜆仔花甲孫。友人一句''街市廿蚊兩斤喎''。極過份既份量。係驚緊會唔會連鮑魚都冇之際。係第三層好彩見到佢地。但係旁邊既大元貝冇左影。而大啲既花甲就落左黎。不過係得果四隻咁大把。鮑魚新鮮而時間剛好。腍滑鮮甜。但係大花甲得
話說係facebook見到呢間野既廣告。見份量不少都算抵食。就搵晚叫多三個朋友共四人黎試下。預早留定個海鮮塔。先比大家睇下佢啲廣告。坐低就叫上。滿心期待打開個塔。店員會擺個好似讀書果時考Oral果種timer計13分鐘。係小組討論完畢之後就幫你閂火同打開第一層。
叫多左個生牛肉。睇樣都算可以接受。一撈起就發現。牛肉切得勁粗條。仲係八成都係未defrosted 。而梨條亦係極粗切。成條薯條咁。生牛肉醃汁味道係唔錯不能要到食完個海鮮塔溶曬雪先覺。
打第一層有蝦同聖子。蝦有手指般粗。食得出新鮮。肉爽味甜。一人有兩隻。聖子人均都有三四隻。同樣新鮮而剛剛熟。但係有泥亦重泥味。事前處理不足
一開第二層打左個突。會人口密度會唔會相差得太遠？見到銀色底個位置仲多過見到啲蜆同花甲。同埋全部都係蜆仔花甲孫。友人一句''街市廿蚊兩斤喎''。極過份既份量。
係驚緊會唔會連鮑魚都冇之際。係第三層好彩見到佢地。但係旁邊既大元貝冇左影。而大啲既花甲就落左黎。不過係得果四隻咁大把。鮑魚新鮮而時間剛好。腍滑鮮甜。但係大花甲得個殻。瘦過新畿內亞啲饑民。
打開第四層真係粗口都出埋。呢兩隻花蟹小兒麻痹呀。係。隻蟹係好鮮甜。不過係廣告上面果隻既第十八代子孫囉。
算喇飲埋個人參雞轉場。點知一打開。頂。呢個邊爐湯底樣既係人參雞？原圖個雞呢？經專家打撈出一具經暴力對待分屍既微春雞。大約成年男性手板咁大隻。湯係夠味而濃郁。但係真係好唔吸引。伏已中。各食友請小心。
Post
