Trattoria Kagawa by Mihara (Closed)

今日同男朋友去灣仔呢間Fusion前菜任食超級無敵性價比高既weekend brunch，$288任食前菜。😋Baked Cheese Beef Tripe in Tomato Sauce我自己本身麻麻地食牛肚既人，覺得呢個牛肚超好食，佢蕃茄味好濃，加埋牛油香同埋芝士，好夾，而且中間有我好中意食既流心蛋，我同我男朋友都忍唔住encoré。😋Fried Cuttlefish 鐵板墨魚好煙韌，洋蔥好甜炒得好香，好好食😺😋Stewed Beef Cheek牛肉好嫩，啲汁同牛肉好夾，薯蓉都好軟綿綿😽😋Sukiyaki Sirloin Roll(+$50)升級左和牛薄燒，因為我男朋友好中意食和牛，口感好特別，入邊有芝士、牛蒡同胡蘿蔔絲，一啖食落去首先食到好香牛味，然後再有牛蒡同胡蘿蔔絲既口感，好正。😋Tiramisu (+$38)最後埋尾食多個甜品，好滿足同男朋友飲飽食醉好開心，誠意推介大家經過灣仔去試下。