BRICK LANE Gallery

Open Now

Now Closed

收工同男朋友喺K11附近行街買衫，行到攰攰地去咗bricklane食飯，我地都算係bricklane既忠實粉絲，早排先食完冇幾耐，又再食過返尋味😋前菜： Parma ham melon好鍾意食呢個Parma ham配蜜瓜，鹹鹹甜甜咁樣好開胃，蜜瓜超多汁，好新鮮。沙律：烤蝦帶子菠菜沙律平時食得太多凱撒沙律，今次轉食呢個菠菜沙律，烤蝦同帶子都好多，一啲都唔吝嗇，海鮮煎得啱啱好，封住啲肉汁。尖沙咀限定：Black galaxy eggs benedict嚟到尖沙咀分店冇理由唔食佢嘅限定產品，呢款配墨汁荷蘭醬既egg benedict比到我有意外驚喜，墨汁好鮮味，再配上炸得好香脆嘅軟殼蟹，好出色！主菜: 香煎鱸魚我就好鍾意食魚，所以特別點左呢款煎鱸魚，平時去西餐廳食煎鱸魚都係得一小塊，呢度竟然有三大塊，好驚喜。而且煎魚嘅火候控制得啱啱好，有啲香口之餘又保留到肉汁嘅嫩滑。