Video
Read full review
2021-08-21
2295 views
因為有海港城現金卷，所以就試試裏面嘅壽喜燒餐廳。餐廳闊落，對正維港景，非常舒服。店內服務很好，店員會主動加水，幫手影相等。留意電話預約需時（打左幾次先有人聽），所以建議大家網上預約。今次試左兩個set。每個set包前菜、麵豉湯、白飯、兩個和牛部位嘅壽喜燒及甜品。🥗前菜🥗前菜有三款，分別係蒸蛋、薯仔沙律同醋漬金絲瓜。🥚蒸蛋口感嫩滑，完全無水温太熱造成嘅細孔。上面配有青豆、菇同貝柱，令蒸蛋有更多嘅層次。🥔薯仔沙律正常，有少少薯粒同甘荀粒增加口感。🥒醋漬金絲瓜面頭有一啲帶甜味嘅啫喱去平衡酸味。🍚白飯，麵豉湯🍚雖然白飯係最基本嘅嘢，但係絶對係一間日本餐廳嘅靈魂。每一粒米煮到粒粒分明、晶瑩剔透、香甜有嚼勁、真係同一般嘅日本餐廳唔同。麵豉湯相對比較平凡。🍖主菜🍖🥩 壽喜燒A5和牛嚴選部位及野菜盛, $498（4/5）主角嘅兩塊A5牛用左餐廳自製嘅壽喜燒汁去煮。第一塊配左蛋汁同京葱，而第二塊配左洋蔥、香菇、豆腐、蒟蒻麵。充滿牛嘅脂香味，入口即溶。因為壽喜燒汁對我嚟講較重口味，個人較喜歡伴有蛋汁嗰一款。🍦甜品🍦甜品係紅豆雪糕，甜度適中，為呢個和牛午餐劃上句號。整體食物質素、環境、服務質素都唔錯，不過價
今次試左兩個set。每個set包前菜、麵豉湯、白飯、兩個和牛部位嘅壽喜燒及甜品。
🥗前菜🥗
前菜有三款，分別係蒸蛋、薯仔沙律同醋漬金絲瓜。
🥚蒸蛋口感嫩滑，完全無水温太熱造成嘅細孔。上面配有青豆、菇同貝柱，令蒸蛋有更多嘅層次。
🥔薯仔沙律正常，有少少薯粒同甘荀粒增加口感。
🥒醋漬金絲瓜面頭有一啲帶甜味嘅啫喱去平衡酸味。
🍚白飯，麵豉湯🍚
雖然白飯係最基本嘅嘢，但係絶對係一間日本餐廳嘅靈魂。每一粒米煮到粒粒分明、晶瑩剔透、香甜有嚼勁、真係同一般嘅日本餐廳唔同。麵豉湯相對比較平凡。
🍖主菜🍖
🥩 壽喜燒A5和牛嚴選部位及野菜盛, $498（4/5）
主角嘅兩塊A5牛用左餐廳自製嘅壽喜燒汁去煮。第一塊配左蛋汁同京葱，而第二塊配左洋蔥、香菇、豆腐、蒟蒻麵。充滿牛嘅脂香味，入口即溶。因為壽喜燒汁對我嚟講較重口味，個人較喜歡伴有蛋汁嗰一款。
🍦甜品🍦
甜品係紅豆雪糕，甜度適中，為呢個和牛午餐劃上句號。
整體食物質素、環境、服務質素都唔錯，不過價錢始終較貴同食物唔算好特別，所以如果唔係有優惠或慶祝，我都未必會再嚟。
💵使用優惠：海港城dinning A coupon
Post
