部屋咖啡室

登打士廣場多野食就不嬲都知，最近發現旺角登打士廣場12 樓有一間不錯的咖啡廳，今日就約朋友去食下午茶，試下呢度d野食如何。呢度的佈置屬於年輕化，好多年輕人係度相聚聚餐，而且呢度提供board game , 真係可以係度食野玩足成個下午都唔嫌悶。而我就選擇來這裡試下食物的質素。我們二人點了二人套餐，真係好抵食，有一份10寸大的西西里pizza,一個黑松露雜菇義大利飯，同一份越式炸蟹餅，再加兩杯野飲，都咪話唔飽。10寸大pizza 大大塊，大大塊辣肉腸係厚芝士麵頭，超好味大滿足。黑松露雜菇義大利飯亦是做得十分正宗，口感煙韌，濃厚的黑松露味佈滿成碗飯，超級好味。越式炸蟹餅也是新鮮炸的，雖然新鮮炸但完全不油膩，沾上甜酸醬味道剛剛好。因為每一樣菜式都是即叫即整，所以需時等候，我們飲住兩杯特式凍飲慢慢嘆，我們都點了黑森林（朱古力mocha), 大大杯有雪糕同cream, 口感十足正到爆，食完呢餐要減肥啦哈哈。