Bistro La Baie (MONTEREY Place) (Under Renovation)

🐼 上次到訪呢間海邊嘅法式 bistro，覺得氣氛好好，於是今次帶埋媽媽一齊嚟試下其他菜式。

雜菌燴薏米飯、黑松露泡沫 $178 - 上枱見到面頭有一大堆泡沫，非常打卡able。雜菌量比得好多，咬落口煙煙韌韌，加上薏米嘅質地估唔到又幾夾。

和牛芝士漢堡、焦糖洋蔥、醃青椒、薯條 $198 - 好好食喎！有平時去食burger舖嘅水準，喺法國野餐廳最推薦嘅菜式竟然係呢個啊🤣

油封鴨腿、扁豆、香腸 $228 - 擺盤同樣都係好靚。鴨腿下邊有扁豆、紅蘿蔔等等，呢間餐廳用一個香濃嘅醬汁煮呢啲雜菜，非常惹味。

1

侍應overall都有禮貌，而且舉手都好快應你 👍🏻 今時今日嚟講其實唔係好多間餐廳都做到

食完飯再喺將軍澳海旁散吓步，一路欣賞海景，一路幫助消化，成個晚餐體驗幾唔錯。