Weinstube (Changed Hand) New Restaurant

接上文..年前到訪曾吃過炸磨菇,今次再叫一客.炸磨菇伴他他汁,薄薄的麵包糠外層炸得金黃.包著菇味濃的Mushroom.點埋他他汁,比吃薯條更高享受,來到必定要一試.當唔吃豬手,唔吃煎牛仔肉,羊扒一樣唔諗.主菜無可能再吃腸吧.要個Omelette.份量頗大,兩個人分也剛好,主要材料有煙肉,芝士,洋荵等,做得比較乾身.一點蛋油也沒有.反而隔離的酸瓜,吃完一舊又一舊.由於晚餐過後要上班,實在不能再多酒精.靚女意猶未盡再飲,今次到另一隻德國麥啤Erdinger.樽裝貨色,味道比先前飲過的Warsteiner更淡.更平易近人,感覺如在柏林街頭,竟然遇上身穿哈化柏林球衣的袁彩雲!餐廳氣氛有如瑞士鄉郊的小屋,溫暖窩心,最適合一眾合久必婚的情侶,又或者好像我倆.無任何男女關係之下,吹個天南地北大話西遊.離開亞士厘道接近夜晚十點,人龍依舊絡繹不絕.何解?我真係唔知.一笑置之.熱戀中的男女,往往感情蒙閉理智.相信唔介意手拖手個幾鐘,在壹壽司門口企鵝式排隊的.辛苦等到入座,你我深情對望,右手用筷子,夾住唔知新唔新鮮的三文魚壽司,點一下已混合大量wasabi的醬油,你餵我,我餵你,沒有對話,只有被山葵刺激之下