Video
Read full review
2024-07-20
202 views
第一樣野要講嘅係，呢間真係好靚，見到外面係有少少想抵住熱氣都坐外面，但裏面都靚！Be Leaf全日早餐($138)放得自己餐廳名落去，應該都係信心之作，內容都係standard野，但質素真係唔錯。特別欣賞炒蛋好香滑，應該有加牛奶落去炒。主菜炸魚柳嘅炸粉好薄，唔會成口粉。如果想一次過食到唔同野，可以揀呢個all day breakfast!香煎鮮蝦牛油果酸種包配炸薯條($138)未上枱我都估唔到佢咁靚，蝦同牛油果嘅配搭都真係幾唔錯，無論係口味上定係顏色上。雖然薯條係配菜，但我都好想提一提佢個薯條同出面嘅有啲唔同，有一種酥炸嘅感覺，但又唔太油膩。自家制焦糖餅咖啡(+$38)先利申，我自己本身唔好咖啡，因為唔鍾意咖啡嘅苦澀味，所以平時就算飲都只會飲啲加左其他口味，甜甜地嘅咖啡。呢杯嘅苦澀係我可以接受到嘅程度，而且佢上面嘅焦糖餅甜得嚟有陣焦香，咬一啖含住再飲咖啡係唔錯嘅Grapefruit Summer Soda(+$26)淨係望個樣，呢杯都已經值回票價，就係咁外貌協會！嗰日好熱，坐喺冷氣房，飲杯凍冰冰又酸酸地、充滿氣泡感嘅靚靚特飲，真係好滿足！望佢menu其實都好想試下佢地啲甜品，但今次實在
Be Leaf全日早餐($138)放得自己餐廳名落去，應該都係信心之作，內容都係standard野，但質素真係唔錯。特別欣賞炒蛋好香滑，應該有加牛奶落去炒。主菜炸魚柳嘅炸粉好薄，唔會成口粉。如果想一次過食到唔同野，可以揀呢個all day breakfast!
香煎鮮蝦牛油果酸種包配炸薯條($138)未上枱我都估唔到佢咁靚，蝦同牛油果嘅配搭都真係幾唔錯，無論係口味上定係顏色上。雖然薯條係配菜，但我都好想提一提佢個薯條同出面嘅有啲唔同，有一種酥炸嘅感覺，但又唔太油膩。
自家制焦糖餅咖啡(+$38)先利申，我自己本身唔好咖啡，因為唔鍾意咖啡嘅苦澀味，所以平時就算飲都只會飲啲加左其他口味，甜甜地嘅咖啡。呢杯嘅苦澀係我可以接受到嘅程度，而且佢上面嘅焦糖餅甜得嚟有陣焦香，咬一啖含住再飲咖啡係唔錯嘅
Grapefruit Summer Soda(+$26)
淨係望個樣，呢杯都已經值回票價，就係咁外貌協會！嗰日好熱，坐喺冷氣房，飲杯凍冰冰又酸酸地、充滿氣泡感嘅靚靚特飲，真係好滿足！
望佢menu其實都好想試下佢地啲甜品，但今次實在太飽了，但唔緊要可以留返下次再試過～
= Be Leaf // 觀塘敬業街55號皇廷廣場地下2號舖 // 21522893 =
Post
