B-mix 燒肉餐酒館 (Closed)

最近去咗食燒肉，朋友住元朗就推介左呢間餐廳，入到去好舒服，座位闊落，仲有好大個mon，氣氛一流。而家食肆開始放寬，佢哋仲有幾間Room，可以12人一齊盡興都冇問題啦！我哋就揀咗二人餐 ，讚好仲有七折，為返數都係$500之內，就可以食到好豐富嘅二人燒肉套餐。B-Mix 沙律酸酸地好開胃，分量十足！B-Mix 丼飯上面都好豐富，包括三文魚子、紫菜、溫泉蛋，完全唔會dry，多重口感。刺身三點盛入面有蝦、帶子同埋三文魚，都比想像中新鮮肥美，估唔到燒肉店都咁OK！日本大根漬+日本野生牛蒡漬呢啲即係前菜小食，如果鍾意食日本前菜就啱晒。海鮮三盛合裏面有蠔、帶子同鮑魚，佢個鮑魚勁新鮮，擺到落去仲有少少識郁，誇張！爽口彈牙極度美味。 帶子方面大大隻都好鮮甜，仲有加上芝士嘅蠔，都好Creamy。肉我認為都係重點之一熊本黑豚豬腩肉肥美之餘，其實都唔會剩係得個肥字，係超香嘅豬腩肉香；日本薩摩赤雞腿肉甘香滑，加上自己燒個外皮都燒得幾香，好正；而日本薩摩赤雞腎係特別爽口鹹香，好好食。二選一1. 安格斯牛或安格斯牛粒2. 伊比利黑毛豬梅肉 或伊比利亞黑毛豬面肉我就揀咗安格斯牛粒，花紋分布極靚，質感都好正，比較軟熟。