108
50
14
Level2
28
0
2018-03-16 1251 views
新加坡啲Kopitiam 做到有聲有色,其實我哋香港啲熟食市場都唔差吖,乜都有得食!好似自從N年前,皇后街熟食開咗ABC Kitchen 之後,我哋就可以自傲地講句:「喂,我哋香港熟食連鋸扒都有喎!」朋友歡聚話明食好西,梗係要開支酒先似樣。睇睇個wine list,都幾多選擇,取價亦十分公道。如此隨意舒服嘅環境,叫支prosecco 大家開心吓最啱!嚟得熟食市場食西餐,就係想唔依法辦事。用麵包籃配汽酒又有何不可?更何況呢個麵包,外面香裡面軟,仲帶啲香草味,配乜都好啦!配什菜都仲得!既然唔拘泥食乜course,叫啲main嚟開心些牙最好。先嚟西班牙燒乳豬配皺葉甘藍及薯蓉。乳豬皮脆肉嫩,底下嘅醃菜以為會好似sauerkraut 咁酸酸哋,咦?但原來係甜甜哋梅菜咁嘅味,幾得意。跟住嚟有安格斯西冷配焗蒜苗、長薯及法邊豆。牛肉叫咗五成熟,但出嚟似三成,肉質比較韌。反而長薯夠香,法邊又豆夠嫩,蒜苗亦夠香甜,「妹仔完勝主人婆」添!(噢,掛住食「妹仔」,唔記得影相!)再嚟焗羊肩配露筍苗、薯絲餅及沙沙醬。個狀況同牛扒有啲似,羊肉出到嚟都係比想像中生,講真羊肉係要熟少少先可以造出最佳口感,太生反而變咗食到
Read full review
新加坡啲Kopitiam 做到有聲有色,其實我哋香港啲熟食市場都唔差吖,乜都有得食!好似自從N年前,皇后街熟食開咗ABC Kitchen 之後,我哋就可以自傲地講句:「喂,我哋香港熟食連鋸扒都有喎!」
379 views
0 likes
0 comments

朋友歡聚話明食好西,梗係要開支酒先似樣。睇睇個wine list,都幾多選擇,取價亦十分公道。如此隨意舒服嘅環境,叫支prosecco 大家開心吓最啱!

嚟得熟食市場食西餐,就係想唔依法辦事。用麵包籃配汽酒又有何不可?更何況呢個麵包,外面香裡面軟,仲帶啲香草味,配乜都好啦!配什菜都仲得!
23 views
0 likes
0 comments
什菜沙律
19 views
0 likes
0 comments

既然唔拘泥食乜course,叫啲main嚟開心些牙最好。先嚟西班牙燒乳豬配皺葉甘藍及薯蓉。乳豬皮脆肉嫩,底下嘅醃菜以為會好似sauerkraut 咁酸酸哋,咦?但原來係甜甜哋梅菜咁嘅味,幾得意。
西班牙燒乳豬配皺葉甘藍及薯蓉
28 views
0 likes
0 comments

跟住嚟有安格斯西冷配焗蒜苗、長薯及法邊豆。牛肉叫咗五成熟,但出嚟似三成,肉質比較韌。反而長薯夠香,法邊又豆夠嫩,蒜苗亦夠香甜,「妹仔完勝主人婆」添!(噢,掛住食「妹仔」,唔記得影相!


再嚟焗羊肩配露筍苗、薯絲餅及沙沙醬。個狀況同牛扒有啲似,羊肉出到嚟都係比想像中生,講真羊肉係要熟少少先可以造出最佳口感,太生反而變咗食到成口渣,可惜!但個醬味道清新,薯絲餅亦足料好味。
羊肩配露筍苗薯絲餅及沙沙醬
20 views
0 likes
0 comments

甜品要咗Pavlova同Apple Strudel。其實喺香港食到Pavlova都幾感恩,所以有呢樣甜品喺menu上面已經抵讚。至於Apple Strudel個皮有啲唔夠鬆,同埋蘋果醬少咗啲。
巴伐洛娃蛋白餅
34 views
0 likes
0 comments
奧地利蘋果卷
19 views
1 likes
0 comments

總括嚟講,咁多年嚟ABC Kitchen嘅水準都好平穩,可以喺熟食市場搵到咁多元化嘅西餐menu,仲有風趣得嚟又友善嘅侍應哥哥,係香港先有!
(The above review is the personal opinion of an user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2018-03-13
Dining Method
Dine In
Spending Per Head
$250 (Dinner)
Recommended Dishes
西班牙燒乳豬配皺葉甘藍及薯蓉
巴伐洛娃蛋白餅