牛川日本和牛專門店 (Closed)

💡A5和牛燒肉放題仼食一次滿足哂燒肉同放題仼食既好地方。今次選擇左尊貴A5日本和牛放題套餐，食物既選擇多到選擇困難，十分滿足。🍽️日本A5和牛拼盤 餐廳提供仼食A4,A5和牛，首先會上個和牛拼盤，非常打卡able ，拼盤有7款不同既牛。特別推介好邪惡既牛五花，牛五花一入口油份充足，牛味超濃厚，入口即溶。唔想禁邪惡既，第二推介牛冧肉，肉質十分嫩滑。🍽️ 海鮮拼盤海鮮拼盤有五款海鮮，包括蠔、蝦、甲羅燒、扇貝同魷魚。當中甲羅燒最出色，好香蟹膏味；蠔都夠脹卜卜，大大粒；魷魚一咬就開，唔會老。🍽️手工月見燒鳥串由雞髀肉、雞皮同雞軟骨手工制作而成，加左雞軟骨口感又多一個層次，輕輕燒完點上蛋黃漿，口感豐富。🍽️燒牛柳沙律食肉之前打底同減膩既好選擇！🍽️刺身刺身選擇都多，厚切，新鮮，有三文魚、北寄貝、帶子、赤蝦等。🍽️炸物、小食食完燒肉、刺身已經好滿足，但望埋d小食、炸物，再飽都仲想食，特別推介燒牛肉他他、呑拿魚蓉脆脆、溫泉蛋同香芋球。🍽️飲品餐廳飲品選擇多，除有多款汽水、果汁，仲有幾款自家茶例如白桃烏龍茶、茉莉薰花茶等，自家茶款唔甜但又唔會好淡，出色！另外，店員好貼心突登分左區唔凍既飲品，岩哂想養生唔飲凍野既食客