黑樺牛 (Closed)

黑樺牧場和牛火鍋放題嘅食材真係新鮮到不得了， 而且所有和牛嘅部分，味道口感都十分上乘， 首先先送你一個海鮮頭盤， 新鮮大蝦， 生蠔，帶子，三樣都係特大size， 喺食緊海鮮嘅同時，北海道豆乳玫瑰芝士火鍋已經準備好， 係時候食呢度嘅主菜A5和牛，有A5 熊本和牛玉子後腰肉，A5 熊本和牛肩胛梅花，A5 熊本和牛特上降霜小排，A5 熊本和牛牛前胸， 不同和牛嘅部分， 都食得出唔同嘅味道口感同質地， 脂肪分佈亦都不同， 樣樣都獨當一面 除咗和牛之外其他炸物， 當中以椒鹽炸魚皮和椒鹽牡丹蝦最為突出， 新鮮熱辣，椒鹽味香脆可口， 當然仲唔少得打邊爐必食嘅配料，千葉腐皮 ，鮮腐竹， 豆腐， 金菇，唐生菜等多款菜式不能盡錄仲有佢嘅特色火鍋配料，鮮炸紫菜響鈴，手打黑鑽蝦滑，秘製香辣墨魚芯， 樣樣都新鮮鮮甜，而麻辣和牛餃子同麻辣牛肚， 可以話食牛食到五花八門，用心之作