先講主角 A4和牛，一上碟已經贏晒！啲雪花分佈靚到好似藝術品，均勻到呢！放上爐燒，聞住個油香，未食都流口水。燒到五成熟左右係最正，入口真係即！化！ 個種油脂感超豐腴，但一啲都唔膩口，牛味濃得嚟帶住淡淡甜香，唔使點任何醬汁，齋食已經好幸福。口感嫩滑到呢，用「入口即溶」形容一啲都唔誇張，真係掂過碌蔗！
另一樣驚喜係 比目魚西京燒！平時燒肉店好少見到咁高質嘅海鮮。佢用咗西京味噌嚟醃，燒到表面有少少焦香，但裡面啲魚肉依然保持到超超超嫩滑，一啖落去，肉質好似會「溜」入喉嚨咁！味噌嘅甜香同魚嘅鮮味夾到絕，鹹甜度剛剛好，食完成個口腔都仲留返陣香氣，真心推介！
A4和牛係極上嘅味覺享受，而比目魚西京燒就係一個完美嘅調劑，解膩又鮮味。雖然價錢有少少高，但質素絕對對得住個價錢！係會令人想encore再encore嘅味道！
