Video
Read full review
2025-06-07
166 views
120分鐘日本A4黑毛和牛火鍋放題🐮🥩今次用咗「豆腐」做主題，對於鍾意食豆腐嘅我黎講，真係超級滿足！套餐包咗澳洲M9和牛牛丸2粒、海鮮拼盤同任食鮑魚，仲有超多配料同小食任揀，性價比超高😙湯底我哋揀咗「雪白御鮮豆腐鍋」，湯頭鮮甜得嚟帶淡淡豆香，淥和牛同海鮮都超夾，唔會搶味😌主角日本A4黑毛和牛油花均勻，入口即溶，牛味濃郁🐮M9和牛牛丸彈牙多汁，海鮮拼盤嘅蠔、鮑魚、扇貝同魷魚都好新鮮，任食鮑魚更加係驚喜，爽口又鮮甜🧜🏼♂️特色小食方面，必試黑‧雪映山葵豆腐，芥末味清新醒胃，蟹籽墨汁漿鮮味爆棚，爽滑彈牙🦑鹽酥髒髒雞外脆內嫩，沾滿椒鹽超惹味！另外藤香鮑魚豆腐同魚香皮蛋豆腐都係水準之作，鍾意濃味嘅朋友要試鹽酥美乃『雞』，美乃滋又鹹又甜，好特別😊飲品推介芝麻豆漿黑旋風🧋芝麻香同豆漿出奇地夾，濃郁得嚟唔會膩，仲有珍珠，口味好豐富🤗 啤酒控可以試「半杯晨光·半杯暮色」（$68/杯），Pilsner同Stout混合，苦甜平衡，配火鍋一流！🍺最後甜品「仙花雙圓」一定要試！有齊仙草、豆腐花、芋圓同花生，配搭味道似四川冰粉👅清甜解膩，完美作結！ 整體食物選擇多，質素高，服務亦唔錯，絕對會再encore🤤
今次用咗「豆腐」做主題，對於鍾意食豆腐嘅我黎講，真係超級滿足！套餐包咗澳洲M9和牛牛丸2粒、海鮮拼盤同任食鮑魚，仲有超多配料同小食任揀，性價比超高😙
湯底我哋揀咗「雪白御鮮豆腐鍋」，湯頭鮮甜得嚟帶淡淡豆香，淥和牛同海鮮都超夾，唔會搶味😌主角日本A4黑毛和牛油花均勻，入口即溶，牛味濃郁🐮M9和牛牛丸彈牙多汁，海鮮拼盤嘅蠔、鮑魚、扇貝同魷魚都好新鮮，任食鮑魚更加係驚喜，爽口又鮮甜🧜🏼♂️
特色小食方面，必試黑‧雪映山葵豆腐，芥末味清新醒胃，蟹籽墨汁漿鮮味爆棚，爽滑彈牙🦑鹽酥髒髒雞外脆內嫩，沾滿椒鹽超惹味！另外藤香鮑魚豆腐同魚香皮蛋豆腐都係水準之作，鍾意濃味嘅朋友要試鹽酥美乃『雞』，美乃滋又鹹又甜，好特別😊
飲品推介芝麻豆漿黑旋風🧋芝麻香同豆漿出奇地夾，濃郁得嚟唔會膩，仲有珍珠，口味好豐富🤗 啤酒控可以試「半杯晨光·半杯暮色」（$68/杯），Pilsner同Stout混合，苦甜平衡，配火鍋一流！🍺
最後甜品「仙花雙圓」一定要試！有齊仙草、豆腐花、芋圓同花生，配搭味道似四川冰粉👅清甜解膩，完美作結！
整體食物選擇多，質素高，服務亦唔錯，絕對會再encore🤤
Post
