Wildfire Pizzabar (Closed)

響雜誌見到Wilefire做$99任食，之前食過呢間啲Pizza都做得幾好，諗住任食咁抵一定要去試試。一去到個侍應淨係問係咪要$99任食同問我地要乜嘢飲，問佢哋攞menu又冇人理我地，搞咗一輪先至知原來任食只限一款8寸pizza(辣肉腸pizza)，一款意粉(肉醬意粉)，同一款小食(雞翼薯條)，仲以為每樣最少有兩三款可以揀。啲嘢食係ok，不過選擇真係太少。門口係有寫任食「指定食品」，不過「任食」呢兩個字同雜誌出稿嘅寫法始終帶有少少誤導。講下服務，班侍應禮貌就好一般，同見到附近枱有人一坐低order$99個任食，嘢食一樣都未到另一個侍應就話要人last order，睇嚟D單都幾混亂下。