上海新大眾大閘蟹專門店

Open Now

Now Closed

百零蚊任食在香港來說真係少之又少，呢間絕對係驚喜！$98/位（另收醬油費）90分鐘就食到任點烤魚、雞煲、羊腩煲同串燒，連飲品都任飲，同枱朋友一致認證抵到癲！ 烤魚有三款味道，麻辣、酸菜、蕃茄我哋揀咗試蕃茄烤魚，湯底充滿蕃茄香氣帶微酸，蕃茄超多，仲有啲黃芽白響底。湯底越滾越濃，條魚似係江團魚，中等size，魚肉嫩滑，開胃到秒清鍋。 雞煲方面，我哋揀咗奇味雞煲，醬汁咸甜中帶香葉味，雞件嫩滑，煮耐咗醬汁更濃稠，雞件更掛汁！串燒即叫即燒！串燒選擇不算多，牛肉串同雞髀肉串冇得輸。我哋瘋狂encore, 牛肉醃得夠鬆軟，燒到微焦超香口；雞髀肉好入味；朋友話羊肉串都好味。我哋當然全場爆滿，建議預早訂位。